Sidi Larvi d Ḥmaddac d imdukal seg wasmi llan d iggerden. Ksen akken, laεben akken.
Ass-nni, ihi, ramḍan d ramḍan… atni uɣalen-d di ssuq n lḥed. Leḥun-d af ḍar, dac dac kan deg webrid izergniwen, teddun ar taddart. Bɣan ad ṣiwḍen lawan n tadanit n Ccix. Ciṭuḥ akka, mlalen-d lεasker-nni urumi. Imir-nni mazal d lgira.
Inteq Ḥmaddac ar Sidi Lεarbi, yenna-yas
– Wa Sidi Lεer…, nnteq kan ar irumyen-agi… steqsisen sani i tebbed saεa-nni, iwakken ur ɣ ccakaten-ara. Keččini tesṭarḍiqeḍ tameslayt-agi nnsen. Steqsisen kan !
Sidi Lεarbi icuf uqenddur-is, mi s-yenna Ḥmaddac kečč tesneḍ tameslayt-nnsen. Netta di tidet cwiṭ n taεrabt kan i yerɣra di temεemmart n Sidi Ɛli Tɣalat. Maεna ulamek yuker taqejjirt. Dɣa iruḥ ar cif-nni nnsen… ibda isharwiḍ akk dinna… isḥilif akk s ifassen-is, yesenεat-as lḥekka n afus-is andda kan tteqnen saεa. Ur yefhim tapyut deg wayen i s d-yenna Cif-nni. Yenna-yas mirsi, iqqel-d ar Ḥmaddac.
Yesteqsa-t Ḥmaddac :
-Amek ihi ? D acu i k-id-yenna ?
-Yenna-yi-d attan d zuǧ d wezgen!
Uɣalen kemmlen abrid-nnsen ar taddart s laεqel s laεqel… alami slan i Ccix ittedden lmeɣreb.
Ḥmaddac yewhem, yenna-yas i Sidi Lεarbi : -D acu-t wakka a Sidi Lεarb…? Tenniḍ-iyi-d, yenna-yak uεeskriw attan d zuǧ d wezgen, ar deqel Ccix atan itedden lmeɣreb? Ula d itij ara tettwalid atan yeɣli !
Sidi Lεarvi… irra-yas-d:
-Wa Ḥmidduc! Aεni tḥeqreḍ annect-a yakk i d-nelḥa !
Ahmed Aït Bachir